Уморни сте по само 2 часа работа? Проблемот можеби не е во вас, туку во вашата столица
01.01.1970
Почнувате со работа во осум. До десет, веќе се вртите. Менувате позиција. Се исправувате. Се грбавите. Ставате нога под себе. Станувате, седнувате. Се протегате.
До пладне, концентрацијата е на нула. Грбот боли. Вратот е вкочанет. Се обвинувате дека не сте фокусирани, дека ви треба повеќе кафе, дисциплина, сон.
А што ако проблемот е многу поедноставен? Што ако проблемот е столицата на која седите?
Она што не сакаме да го признаеме
Бидете искрени, кога последен пат навистина размислувавте за столици и за онаа на која работите?
Повеќето луѓе ја добиле столицата случајно. Ја имале во станот, ја наследиле од претходната работа, ја купиле пред десет години кога имале поинаков живот и поинакви потреби.
Или пак, ја избрале затоа што изгледа убаво. Црна кожа, хром нозе, директорски изглед. Импресивно на фотографија. Но фотографијата не седи на неа осум часа.
Реалноста е дека без размислување купуваме скапи телефони, лаптопи и кафемати што ги користиме по дваесет минути дневно. А кога станува збор за столиците? Таму каде ни поминува третина од денот? Со години ги туркаме во втор план.
Што прави лоша столица со твоето тело
Кога седите на столица која не ви одговара, вашето тело не одмара, тоа влегува во тивок режим на постојана компензација.
Несвесно ги кревате рамената нагоре за да се порамните со тастатурата, а со тоа го грчите и вратот. Се наведнувате напред затоа што наслонот не ви дава никаква поддршка во долниот дел од 'рбетот. Ги вкрстувате нозете на секои пет минути, затоа што седиштето е или премногу меко и ве голта, или премногу тврдо и ви ја прекинува циркулацијата.
Секоја од овие ситни компензации, повторена стотици пати во текот на еден работен ден, постепено акумулира мускулна напнатост. Напнатоста преоѓа во хронична болка. А болката, на крајот од денот, се претвора во длабок физички замор.
И еве го апсурдот на ситуацијата: навечер сте исцрпен не толку од самиот мозочен напор на работата, туку затоа што телото работело со полна пареа дури и додека седело, само за да го издржи хаосот што му го приредува лошата столица.
Големата замка зад зборот „удобна“
Внимавај добро кога користите еден од најраспространетите изговори: „Мене столицата ми е удобна“.
Удобно најчесто значи нешто меко, нешто во кое потонуваш со чаша кафе и во кое телото целосно се опушта, исто како во фотелја пред телевизор. Но, она што е удобно за одмор од еден час и она што е ергономски функционално за работа од осум часа се две сосема спротивставени работи.
Да, фотелјата е удобна и релаксира. Но, обидете се да работите од неа цел работен ден: до пет часот попладне 'рбетот ќе ви го поприми обликот на прашалник, а вратот за некое време ќе бара масажа и терапија.
Она што навистина ви треба за работа не е мекост што ве заспива и релаксира. Ви треба столица што активно го поддржува телото во здрава, работна позиција. Столица што вешто и без напор ве држи исправен, за да не мора телото да ја врши таа тешка работа.
Три работи што столицата мора да ги има
Ако ги тргнеме на страна шарените додатоци, добрите столици се сведуваат на три суштински елементи од кои не смее да има отстапување:
Прво: подеслива висина. Ова е минимум. Ако столицата е со фиксна висина, шансите да ви одговара се минимални. Секој човек е различен. Секое биро е различно. Така, морате да можете да ја прилагодите.
Второ: лумбална поддршка. Тоа е оној дел што го поддржува долниот грб, таму каде 'рбетот се извива навнатре. Без оваа поддршка, ќе се грбавите. Грбавењето е удобно во моментот, но катастрофално на долг рок.
Трето: доволно цврсто седиште. Не е камен, но не е ни облак. Ако потонувате во седиштето, карлицата ви се накривува. Ако е прецврсто, после два часа ќе ве болат нозете.
Сè останато како потпирачи за раце, потпирач за глава, мрежест наслон, и тркалца ви се само убав бонус.
Инвестиција која се исплаќа секој ден
Да, добра столица чини повеќе од лоша столица.
Но, колку може да ве чини еден ден во кој сте дефокусирани, исцрпени и фрустрирани од постојана болка? Колку недовршени таскови остануваат? Колку грешки се прават во кодот затоа што мислите ви бегаат кон тоа како да се наместите за да не те боли грбот?
Ергономската столица е едно од парчињата канцелариска опрема што ќе ги користите секој ден. Без исклучок. По осум часа дневно, четириесет часа неделно, со години. Има многу малку инвестиции во животот што нудат таков директен повраток на вложените пари.
Станете веднаш од столицата на која седиш во моментов. Дали е прилагодена на вашата анатомија? Дали ви помага да бидете подобри, побрзи и поздрави додека работите, или ве принудува да водите секојдневна војна со сопственото тело?
Ако одговорот е не, тогаш многу добро знаете што треба да направите.
ПОГЛЕДНЕТЕ ЈА ПОНУДАТА НА РАБОТНИ СТОЛИЦИ →
Не сте сигурен која столица да ја одберете?
Јавете се на 075 330 699 или пишете на contact@akcija.com.mk
